Yarımallah 8-ci hissə

Elə bu an Stivin ağlına bir ideya gəldi. O tez ağaclığa doğru qaçaraq 9 ədəd budaq və nazik uzun çubuqlar qopararaq geri qayıtdı. Martindən bıçağı götürüb köynəyin çıxarıb cıraraq nazik uzun hissələrə ayırdı. Daha sonra isə o nazik parçaları bir- birinə dolayıb budaqları əyərək , hər iki başından tarım bağladı. Anlaşılan o idiki Stiv kaman düzəldirdi. Beləcə tezliklə 9 kaman və hər biri üçün 30 ədəd ox düzəldildi. Ümumilikdə 270 ox var idi. oxlar hazır olduqdan sonra Stiv ayağa qalxaraq Turukların  başçısın yanına çağıraraq ona əmr verdi:

Külək kimi sürətlə qaçın. Ağaclıqdan keçərək Kasapların önünə çıxıb sapan və nizələrinizlə onları yubadın . biz də arxadan gəlirik.

Təxminən 300 nəfərlik turuk döyüşçüsü sürətlə meşənin içi ilə qaçdığı vaxt Stiv də yerdə qalan 1700 nəfəri yığıb çöllüklə kasapların ardıyca qaçmağa başladı. Təxminən bir saatdan sonra turuklar meşənin içindən kasapları sapand atəşinə tutduğu vaxtda Stivgil də arxadan onlara yetişmişdi. Turuklar meşənin içindən sapandla nizəylə daşla kasapların fikrin yayındırıb meşənin içinə çəkir və dərhal özləri meşədə gözdən itirdilər. Nəticədə  kasap ordusu dağılmış və nizamsız halda hərəkətət etməkdə idi ki Stiv ox və kaman payladığı dostlarını aypara şəklində düzərək nizamlı şəkildə onları ox atəşinə tutmağa başladı. Bu qədər uzaq məsafədən atılan oxlar kasapları çaş-baş salmışdı. Hər ox hədəfə dəyirdi.. başçı nə qədər hücum əmri versə də kasaplar qorxudan irəli gedə bilmirdi. Nəticədə on dəqiqə ərzində 270 nəfər kasap döyüşçüsü yerə sərildi. Bu mənzərəni seyr edən hər kəs qoru və heyrət içində idi. kimsənin irəli getmədiyini görən kasap başçısı özü bağıraraq irəli cumanda Stiv də o an irəli atıldı. Hər iki tərəf sakitcə lal-dinməz bu səhnəni izləyirdi.  Bir-birilərinə çatmağa az qalmış Stiv özün yerə atıb əliylə tuta biləcək bir daşı yerdən götürüb ani hərəkətlə yuvarlanıb qalxaraq daşı kasap başçısının sinəsinə tuşladı. Elə o an Stiv  zərbədən duruxan başçının xayalarına möhkəm bir təpik vuraraq onu iki qat əyilməyə məcbur etdi. Ağrıdan qıvrılan başçının sifətinə diziylə iki möhkəm zərbə vuran Stiv onu tam yerə yıxıb  boğazından asılmış insan kəllələrini götürərək qəzəblə kasap döyüşçülərinə baxaraq bağırmağa başladı. Heç kəs qımıldamırdı. Stiv bunu görüb  qətiyyətli addımlara onlara tərəf gəlib əlindəki insan kəllələri asılan kəndiri kasaplara göstərərək çıxın buradan gedin deyərək əli ilə onların gəldiyi şərq torpaqların göstərdi. Başçılarının yerdə zarıdığını görən kasaplar Stivin göstərdiyi tərəfə baxsalar da onun nə demək istədiyini anlamırdılar. Həm də az öncə göydən yağan oxlar onları elə qorxuya salmışdı ki , elə bilirdilər oraya getsələr yenə həmin şey baş verəcək. O üzdən hamı nizələrin yerə atıb , diz üstə çökərək yalvarmağa  başlamışdı. Stiv onların dilini başa düşməsə də yalvarışlarını anlayırdı. Çünki onlar elə bilirdi bu qəribə ağ adam da hamı kimi məğlub olduqları üçün onları ya öldürüb ya da kölə edəcək. Amma , Stiv kasapların arasından ağ dərili, hündürboy bir döyüşçünü seçib onu ayağa qaldırdı. Hamının gözü önündə başçının boğazından çıxardığı insan kəllələri asılmış kəndiri onun boğazına saldı. Bu , yeni başçı sənsən demək idi və kasaplar da bunu anlamışdı. Yeni başçı Stivin önündə diz çöküb təzim etdikdən sonra boğazından asılan ipi çıxardı. Ipin ucunda klon əvəzinə dəri parçası bağlanmışdı. Sanki onun içində nə isə vardı. Yeni başçı əlləri əsə-əsə dərini açıb içindəkin çıxardı. Stiv gözlərinə inanmırdı. Bu əsl kompas idi. bəli kompas. Hardasa 18-ci əsrə aid olan kompas yeni başçının boğazında idi. Yeni başçı təşəkkür əlaməti olaraq bu hədiyyəni Stivə təqdim edəndən sonra döyüşçülərinə Ehey Daqa Qalaş deyib onları bir yerə yığdı. Hamı birlikdə təşəkkür əlaməti olaraq diz üstə çöküb, səcdə edərək qalxıb asta-asta oradan uzaqlaşmağa başladılar. Stiv əlindəki kompasa diqqətlə baxanda altında bir  yazı gördü. Martin Tayler , Qahirə 1708-ci il. Stiv Martinin yanına gələrək əlindəki kompası ona göstərərk, - bu nə sirrdir anlamıram heç, 2017-ci ildən gəlib üst paleolitin sonuna düşmüşük, kompasda isə latınca Martin Tayler 1708-ci il yazılıb,- deyərək sual dolu gözlərlə Martinə baxdı. Martin də heyrətlə kompası əlinə alıb bir xeyli baxdıqdan sonra astaca,- görəsən bu necə qalıb ?- deyərək barmaqları ilə yazıya toxundu. Bəlkə bunu mən götürüm?

-         Götür , amma, araşdıraq görək bu hardan gəlib , kasapların əlinə necə düşüb ?

Nəyinə lazımdır axı ? hardan düşüb düşüb də. Bir kompas bizə xeyir verən deyil.

-         Yox Martin. Bu səni necə maraqlandıra bilməz axı ?

Mənə yalnız buradan getmək maraqlıdır deyən Martin kompası cibinə qoyaraq yerdən kamanını götürüb kəndə getmək üçün meşə yoluna keçdi. Bu yol kəsdirmə , həm də olduqca rahat və əlverişli olduğu üçün Martin astaca ,- gedək , deyib meşəyə tərəf yönəldi.

Onun bu etinasız yanaşması Stivə heç cürə çatmırdı. Bilmirdi kəndə geri dönsün yoxsa kasapların yurduna gedib orada kompasın hardan gəlməsini araşdırsın. Getmək istəsə də, yanındakılar yorğun və halsız olduğu üçün geri dönməyə məcbur qaldı. Stiv və dostları hamıyla sağollaşıb yola düzəldilər. Kəndə qəhrəman kimi getsə də, əslində fikri ,zikri yalnız kompasda qalmışdı. 1708-ci ilin kompası bu dövrə necə gəlib çıxmışdı axı. Heç bir elmi fərziyyə belə bunu açıqlaya bilmirdi deyə Stiv beynində bu fikirlərlə kimsəylə danışmadan sakitcə addımlayırdı.

Meşənin içi ilə hamı sakitcə getsə bircə Əli ibn Huseyn durmadan danışırdı. Qısa şort geyən Lilinin parıldayan qıçlarına baxa-baxa durmadan yarı ərəb yarı ingiliscə danışırdı ki , bəlkə Lilinin diqqətin çəkə bilər. O üzdən Lilidən bir addım da uzaq durmayan Əli ancaq özündən danışırdı: Gördün də necə ox atırdım. Biz ərəblər döyüşdə əsl qəhrəmanıq. Bu Stiv varee, dostun o başçının üstünə cummasaydı onu mən öldürəcəkdim. Biz ərəblər səhrada aslan ovlayırıq, bunlar mənimçün heç nədir. Elə bu an meşənin içindən bir ayı nərildəyərək düz onların qarşısına, talanın ortasına çıxdı. Özü də düz Lili tərəfdən. Iri qəhvəyi ayı asta-asta Lilinin üzərinə gəlirdi. Qorxudan ayaqları tutulub, yerində donub qalan Lili nə edəcəyəni bilmirdi. Elə bu an Əli irəli cumaraq kamanın arxası ilə ayıya bir zərbə vurub , cəld kamanı ayının başına keçirib bir ayağını boynuna dirəyib var gücü ilə ayını boğa-boğa qəhrəmancasına Liliyə baxaraq,- qaç Lili ,qaç  deyib kamanı daha bərk sıxmağa başladı. Nə qədər cəld olsa da Əlinin gücü ayı ilə bərabər ola bilməzdi. Elə bir həmlədə ayı özün qabağa atıb, kamanı qopardaraq geri çevrilib Əlinin üstünə cumanda, Neyton Ştars yerdən iri bir daş parçasın götürüb ayıya tulladı. Ayı fikrini ancaq Əliyə yönəltmişdi deyə daşa tərəf dönmədi. əksinə daha da qəzəblə nərildəməyə başladı. Cəngəlliyə dirənən Əlinin artıq çıxış yolu qalmamışdı. Neyton bu dəfə daha iri daş parçasın götürüb ayıya tulladı. Ardıyca hamı iri daşlarla ayını vuraraq məcbur etdilər ki  oradan qaçsın.

Ayı getsə də, Əli hələ də əsirdi. Özü qorxu içində olsa da bir qadına xilas etmək əsl qəhrəmanlıq sayılardı. Amma Əli o ayını vuranda yalnız bir şey düşünürdü: Bəlkə bundan sonra Lili ilə yata bilər.

Lili isə onu xilas etdiyi üçün  Əlinin yanına gəlib boynuna sarılıb təşəkkür edəndən sonra, gedək deyib qolundan tutaraq ardıyca apardı. Təxminən yarım saatdan sonra özünə gələn Əli az qala Napoleon Bonapart kimi şəstlə addımlayaraq ən öndə gedirdi.

Əslində qorxu çox qəribə bir şeydir. Bircə dəfə qorxunun üstünə getdinsə bir daha qorxu sənə yaxın duran deyil. Əli də məhz belə etdi. Adi itdən qorxan Əli , vəhşi ayının üzərinə getdiyi an qorxunu dəf etmişdi. Xilas olduqdan sonra isə o qorxu ondan tamamən keçib getmiş və sanki yeni Əli dünyaya gəlmişdi.

Əsl şərq təfəkkürlü adam idi Əli. Lilini xilas etdikdən sonra öz düşüncəsində Lili üçün başqa çıxış yolu qoymamışdı. Lili ancaq onun olmalı idi. çünki o özünü Liliyə görə ayının qabağına atmışdı. Lili isə Cozefin qoluna girərək arxxadan gəldiyi üçün, Əli geriyə baxa-baxa ona öz hirsin qısqanclığın baxışları ilə bildirir və bayaqkı ayı kimi Cozefi boğmaq haqqında düşünürdü.

Neyton da bunu hiss edib  zarafatyana Liliyə ,- bəlkə Cozefin qolun buraxasan? , deyib Əlini göstərdi. Hamını gülmək tutmuşdu. Əli isə bu gülüşləri anlamadığı üçün şalvarının arxasına baxdı ki, birdən nə isə pis şey ola bilər . Onun bu hərəkəti arxadakıları daha da güldürdüyü üçün Əli də məcbur qalıb onlara qoşuldu ki, daha çox gülüş obyekti olmasın .

Bir neçə saatdan sonra artıq onlar kəndə çatmışdılar. Kənddən olan döyüşçülər kəndə, Stivgil isə meşənin içindəki evlərinə getdilər.

Yeməkdən sonra hamı evə istirahət üçün keçdi. Çünki iki gün idiki onlar durmadan çalışırdı. O üzdən yorqun olduqları üçün hamı sakitcə uzanıb yatdı. Stiv isə İnanna ilə söhbət etmək istəyirdi, amma, İnannadan gələn sidik qoxusu onu çiyrəndirmişdi. O üzdən qərara aldı ki, sabahdan etibarən ancaq İnanna ilə məşqul olsun və ona sadə təmizlik qaydalarını öyrətsin. Otağa dolan qoxudan yata bilməyəcəyi üçün Stiv altına sərdiyi heyvan dərisin götürüb zala keçərək bir küncdə uzanıb yatdı.

Səhər tezdən hamı oyanandan sonra , əldə olanları yeyə-yeyə Stiv dünənki kompas söhbətin hamıya danışdı. Hamı bir-bir Martindən kompası alıb baxıb digərinə ötürürdü. Bu kompas heyət üzvlərinin gələcəyə qayıtmaq ümidlərini yenidən alovlandırmışdı. O üzdən hamı Kasap qəbiləsinə gedib orada araşdırma aparmaq haqqında fikirni irəli sürdü. Martindən başqa hamı getmək istəyirdi. Bircə Martin olduqca etinasız şəkildə kompas məsələsinə olduqca maraqsız yanaşırdı. Uzun çəkən söhbətdən sonra axırda belə razılıq əldə olundu : heyət 3 dəstəyə bölünəcək. Birinci dəstə kasapların yaşadığı yerə gedəcək, ikinci dəstə o ətraflarda axtarışlar aparacaq, üçüncü dəstə isə evdə qalıb ərzaq tədarukü görəcəkdi.

Birinci dəstəyə Lili , Neyton, Maks və Lola , ikinci dəstəyə Martin Cozef və Con feller daxil idi. onlar hazırlaşıb yola çıxacaqdı . Sti, Əli və İnanna isə evdə qalıb ərzaq tədarükü görəcəkdi.

Neytonun düzəltdiyi masanın ətrafindakı hər kəs nə iş görəcəyini anlamışdı. Bircə İnanna heç nə bilmirdi. çünki o murdar iy verdiyi üçün hamı ondan uzaq qaçırdı. Kənarda oturan İnanna masadan ət parçası götürüb yemək istədiyi üçün onlara yaxınlaşanda ilk öncə martin əsəblə ayaqa qalxıb ,- tualet səndən daha təmizdir , deyərək əli ilə ona geri çəkilməyi əmr etdi. İnanna qorxa-qorxa geriyə- öz yerinə keçib oturanda , Stiv ən dadlı ət parçasın götürüb ona yaxınlaşdı. Nə qədər murdar qoxu gəlsə də , özünü saxlayıb İnannaya əti uzadıb geri döndü. Az qala ödü ağzına gəlirdi. Lolaya baxaraq,- bu iki gündə nə oldu ki bu belə iy verməyə başladı?-soruşdu.

-         Heç nə, iki gündür ona nə qədər tualeti öyrətmək istəsəm də o meşəyə gedir və yuyunmadan gəldiyi üçün onu evə buraxmırdım.

Martin İnannaya baxaraq,- o əsl heyvandır , deyib gülə-gülə əlindəki ət parçasın sanki it qabağına atırmış kimi İnannanın önünə tulladı. Stiv isə Martinə,- siz geri dönüncə əsl qadın görəcəksiz, deyib hətta mərc də təklif etdi.  Sən axmaqsan ,uduzacaqsan , deyən Martin vecinə almadan ayağa qalxıb  evə keçdi.

Bir azdan bütün qruplar hazır idi. Stiv xüsusən Lili və Neytona kasapları ciddi araşdırmağı tapşırıb , onlara lazımı elmi təlimatları verdi. Martin və Lilinin dəstəsi çıxmağa tam hazır idi. Stiv ilk öncə Martini bağrına basıb sağollaşdıqdan sonra , hamıyla eyni qaydada sağollaşıb onlara uğur diləyərək , ən sonda yenə də lazımı təlimatları verib  yola saldı.

Hamı getdikdən sonra Əliyə də ov etməyi tapşırıb özü İnannanın yanına getdi. Əli taxta nizəsin və kamanın götürərək meşəyə ox düzəltib ova başlamaq üçün gedəndə Stiv də İnannanı evdən çıxarıb, çantasın götürüb gölə doğru apardı. İlk öncə özü soyunub gölə girdi və İnannaya da eyni qaydada gəlməyi göstərərək əli ilə başa saldı ki o da əynindəki o kirli dəri örtüyü çıxarsın. İnanna qorxa-qorxa tam soyunub büzüşmüş halda kənarda dayanıb Stivə baxırdı. Stiv yenidən ona gəl deyib əli ilə çağıraraq gölə saldı. İlk öncə Stiv özü ağzın yumub , barmaqları ilə qulaqlarından tutub gölə tam girdikdən sonra eynisin də İnannaya etməyi tapşırdı. Bu isti havada suya girmək onun çox xoşuna gəlmişdi. Daha sonra Stiv kənara çıxıb , çantasından üz qırmaq üçün alət və iki ədəd iti kəsicisin götürüb geri qayıtdı. Kəsicinin birin açıb alətin içinə yerləşdirdikdən sonra İnannaya yaxınlaşdı. Qorxmaması üçün onu sığallayıb mehriban nəzərlərlə baxaraq, əlini ovcuna götürüb asta-asta alətlə qollarındakı tükləri qirxmağa başladı. İnanna nə qədər qorxsa da qan çıxmadığını görüb sakitcə dayanmışdı. Növbə ilə qolların , qıçların təmizləyəndən sonra qoltuqlarının altın qırxmağa başladı. Ilk dəfə alət qoltuqlarına dəyəndə qıdıqlandığı üçün İnanna hətta xoşallanmışdı. Daha sonra digər qoltuğunu da təmizləyəndən sonra Stiv İnannanı suyun dayaz yerinə çıxardı. Ehmalla əlindəki alətlə onun qıçlarının arasını təmizləməyə başladı. Sözün əsl mənasında bu qədər tük olduqca iyrənc görünsə də , Stiv bir təhər özünü saxlayıb təxminən on dəqiqə içində İnannanın qıçlarının arasını tam təmizlədi. Daha sonra yenidən gölün içinə girərək İnannaya yuyunmağı göstərən Stiv təxminən yarım saatdan sonra İnanna ilə  göldən çıxdı. Onun qarşısında əsl qadın dayanmışdı. Stiv İnannanın gözəlliyinə baxıb bir daha heyrətlə tamaşa etdikdən sonra çantasından hamam xalatını çıxarıb İnanaya geydirdi. Artıq kimsə ona mağara qadını deyə bilməzdi. O İnannanın saçlarını üzündən arxaya doğru əliylə darayıb çöhrəsinə doyunca tamaşa edirdi. İnanna isə bir kişinin baxışları altında tamamən əriyib yoxa çıxmışdı. O əslində hər şeyi anlayırdı. Digər insanların ona heyvan kimi yanaşdığını, Stivin isə ona tam başqa cür baxdıqını  gözəl başa düşürdü.

Azacıq günün altında qurulandıqdan sonra Stiv də paltarın geyib İnanna ilə birlikdə evə getdi. Evdə isə İnannaya sadə gigiyenik qaydaları azı bir saat jest və mimikalarla başa salandan sonra ona evdə oturmağı tapşırıb özü də meşəyə Əlinin dalıyca getdi.

Təxminən iki saatdan sonra onlar iki qoyun ovlayaraq geri dönəndə , Əli həyətə girən kimi İnannanı görüb duruxdu. Stivdən bu qadının kim olmasını soruşduqda , bu qadının həmin o mağara qadını – İnanna olmasını eşidib dəliyə döndü. Hanı bunun tükləri ?

-         Qırxdıq hamsın.

Üzünə bax bunun, bu Lilidən də gözəldir ki... Stiv Əlinin heyrətinə sadəcə gülümsəndi. Əslində Əli heyrət etməkdə haqlı idi. çünki heç kəs İnannanı üzündəki kirdən , saçının üzünə tökməsindən aydın görə bilməmişdi. Indi isə tam fərqli, əsl qadın var idi.